Engal Thangam First Review: Samantha | Maa Inti Bangaram
Engal Thangam First Review: நீண்ட இடைவெளிக்குப் பிறகு நடிகை சமந்தா மீண்டும் கதாநாயகியாக மிரட்டும் வகையில் நடித்துள்ள திரைப்படம் ‘மா இண்டி பங்காரம்’. இப்படம் தமிழில் ‘எங்கள் தங்கம்’ எனும் பெயரில் டப் செய்யப்பட்டு வெளியாகிறது. சைக்கோ திரில்லர் மற்றும் பழிவாங்கும் கதைக்களத்தில் உருவாகியுள்ள இந்த படம், ரசிகர்களிடையே ஏற்கனவே பெரும் எதிர்பார்ப்பை ஏற்படுத்தியுள்ளது. மேலும் படம் தணிக்கை குழுவின் அனுமதியை பெற்று, 12 வயதுக்கு மேற்பட்டவர்கள் பெற்றோருடன் பார்க்கும் வகையிலான சான்றிதழைப் பெற்றுள்ளது.
சாதாரண குடும்ப பெண்ணாக தொடங்கும் கதை
நடுத்தர குடும்பத்தை மையமாகக் கொண்டு தொடங்கும் இந்த படத்தில், சமந்தா அமைதியான குடும்பப் பெண்ணாக தோன்றுகிறார். கணவன், குடும்பம், எளிமையான வாழ்க்கை என்று மகிழ்ச்சியாக வாழும் அவருடைய வாழ்க்கையில் எதிர்பாராத கொடூர சம்பவம் ஒன்று நிகழ்கிறது. அந்த சம்பவத்தால் அவரது வாழ்க்கையே தலைகீழாக மாறுகிறது. குடும்பத்தையும், சுயமரியாதையையும் இழக்கும் அளவுக்கு ஏற்பட்ட பாதிப்பு, அவரை மனதளவில் முற்றிலும் மாற்றுகிறது. இதன் பிறகு நடக்கும் சம்பவங்கள்தான் படத்தின் முக்கிய கதையாக அமைந்துள்ளதாக கூறப்படுகிறது.
சமந்தாவின் இன்னொரு முகம்
படத்தின் முதல் பாதி உணர்வுபூர்வமாக நகர்ந்தாலும், அதன் பிறகு கதை முற்றிலும் வேறு திசைக்கு செல்கிறது. அமைதியாக இருந்த ஒரு பெண், தன்னை சிதைத்தவர்களுக்கு எதிராக எப்படிப் போராடுகிறாள் என்பதுதான் திரைக்கதையின் பலமாக இருப்பதாக கூறப்படுகிறது. குற்றவாளிகளை தேடும் காட்சிகள், பின்னணி இசை மற்றும் எதிர்பாராத திருப்பங்கள் ரசிகர்களை இருக்கையின் நுனியில் அமர வைக்கும் என படத்தை பார்த்தவர்கள் கூறியுள்ளதாக தகவல்கள் வெளியாகியுள்ளன.
குறிப்பாக இடைவேளைக்கு முன் வரும் முக்கிய காட்சி, யாரும் எதிர்பார்க்காத வகையில் அமைந்துள்ளதாக கூறப்படுகிறது. அந்த திருப்பம் திரையரங்குகளில் பெரிய வரவேற்பை பெறும் என்றும் தகவல்கள் தெரிவிக்கின்றன. முழு படத்திலும் மர்மம் குறையாமல் அமைக்கப்பட்டிருப்பதால், அடுத்த காட்சியில் என்ன நடக்கும் என்ற ஆர்வம் ரசிகர்களிடம் தொடர்ந்து இருக்கும் என கூறப்படுகிறது.
கடைசி 30 நிமிடங்கள் படத்தின் பலம்
இந்த படத்தின் மிகப்பெரிய சிறப்பாக கடைசி 30 நிமிடங்கள் இருக்கும் என்று கூறப்படுகிறது. ஒரு தவறால் எத்தனை பேரின் வாழ்க்கை பாதிக்கப்படுகிறது, அதற்கு பழிவாங்கும் பெண் எந்த அளவுக்கு செல்கிறார் என்பதையே உச்சக்கட்ட காட்சிகளில் இயக்குநர் காட்சிப்படுத்தியுள்ளதாக தகவல்கள் தெரிவிக்கின்றன. உணர்ச்சி மற்றும் சண்டைக்காட்சிகளில் சமந்தா தனது திரைப்பயணத்திலேயே சிறந்த நடிப்பை வெளிப்படுத்தியுள்ளதாக கூறப்படுகிறது. குறிப்பாக சில காட்சிகள் ரசிகர்களுக்கு கண்கலங்க வைக்கும் அளவுக்கு தாக்கத்தை ஏற்படுத்தும் என்றும் கூறப்படுகிறது.
வசூல் சாதனை படைக்குமா?
கடைசி வரை மர்மத்தை தக்க வைத்திருக்கும் இந்த படம், முடிவில் அடுத்த பாகத்திற்கான தகவலையும் கொடுக்கலாம் என்ற தகவல் பரவி வருகிறது. சமந்தாவின் நீண்ட இடைவெளிக்குப் பிறகு வெளியாகும் முக்கிய படமாக இருப்பதால், ரசிகர்கள் மத்தியில் எதிர்பார்ப்பு நாளுக்கு நாள் அதிகரித்து வருகிறது. பழிவாங்கும் கதைகள், உளவியல் மர்மம் மற்றும் பரபரப்பான திரைக்கதையை விரும்பும் ரசிகர்களுக்கு மா இண்டி பங்காரம் விருந்தாக அமையும் என்று திரையுலக வட்டாரங்கள் தெரிவிக்கின்றன. வசூல் ரீதியாகவும் புதிய சாதனைகளை படைக்க வாய்ப்புள்ளதாக கூறப்படுகிறது.
